Ag cothrom na súl a bhíos le pocaire gaoithe,
É ag ainliú thar Ghleann Glas na hUidhre;
Féachadóir Dé ar crochadh ag bruach na spéire.
Beannaithe ag an bhfoighne;
Súil an chreachadóra ag faire na faille,
Gan chorraí
Sular thit sé
Trí aithleá binn an tsamhraidh
I dtreo na Siúire;
Splanc aibhléise fé anáil na saoirse.
Anois- neadaímse idir bhallaí;
Clutharaithe ó thinneas,
Agus mhaidineacha dúgheimridh.
Ach nach mise atá ite ag éad,
Agus mé ag taibhreamh fé fhabhcún
Timpeallaithe ag Parthas.
Antóin Ó Trinlúin
